Kim Chiu, Umalis sa Table Hopping Dahil kay Maja

NAGTAPOS ANG isang teleseryeng Ina, Kapatid, Anak nang bonggang-bongga, pero hindi nagkaroon ng bonggang pagbabati sina Maja Salvador at Kim Chiu.

Nu’ng dumating nga raw si Maja para halikan ang isang grupong nasa isang table kung saan nandu’n din si Kim ay agad na umalis ang huli at hindi na bumabad pa sa pagte-table hopping.

Siguro nga, hindi pa time para sila’y magkaayos. Palamig-palamig din ‘pag me time at darating din ang pagkakataong mare-realize din ng dalawa na malalaki na sila para patagalin pa ang kanilang away.

May nagsabi sa amin na very willing si Maja. Kuntodo effort na ito, pero hindi pa yata naghihilom ang sugat ni Kim, kaya hindi na muna raw nagpilit si Maja.

Me nagsabi sa akin, “Saka magbabati ‘yang dalawa ‘pag split na sina Maja at Gerald.”

Hmmmm… malalim.

Kayo na ang bahalang mag-analisa kung ano ang ibig sabihin ng aming kausap.

Sarah Geronimo Kinabog Sina Vice Ganda, Kris Aquino, at Ai Ai de las Alas

Ang It Takes A Man And A Woman na ang may hawak ng record bilang “highest-grossing Filipino film of all-time.

Ayon sa Box Office Mojo, isang third-party tabulator, kumita na raw ang John Lloyd Cruz-Sarah Geronimo starrer ng P401 million.

Nadaig na raw nito ang kinita ng pelikulang Sisterakas na mayroon namang P394.1 million.

Nang makausap ng PEP.ph (Philippine Entertainment Portal) si Sarah tungkol dito, hindi siya makapaniwala na ganun kainit tinanggap at sinuportahan ng publiko ang third and last installment ng pelikula nila ni John Lloyd.

“Surprised ako, kasi akala ko hindi na aabot… kasi yun ang sabi sa amin na hindi na aabot.

“Sobrang grabe ito… thank you Lord, at thank you sa lahat ng humabol pang manood,” sunud-sunod na sabi ng Pop Princess.

Dahil ang pelikula nila na ngayon ang highest-grossing Filipino film of all-time, napakalaki ng posibilidad na sina John Lloyd at Sarah din ang tanghaling “Phenomenal Box-Office Stars” ng Guillermo Mendoza Memorial Scholarship Foundation Inc. sa susunod na taon.

Sina Vice Ganda, Kris Aquino, at Ai-Ai delas Alas ang may hawak ngayon ng karangalan para sa pelikulang nilang Sisterakas.

Sabi ni Sarah tungkol dito, “Kung mangyari man po, maraming salamat, maraming-maraming salamat.”

Sa tagumpay ng It takes A Man And A Woman, aminado si Sarah na takot siyang sundan ito dahil alam niyang mataas na expectations ng tao.

“Mahirap pa kasing sundan ang It takes A Man And A Woman, natatakot ako.”